Иран Нахчыванға дрон ұшырды деген айыптауды жоққа шығарды

Иран қарулы күштері бас штабы Әзербайжанның Нахчыван аймағына дрондар ұшыруға Иранның қатысы бар деген ақпаратты жоққа шығарды, деп хабарлайды Orda.kz Tasnimnews-ке сілтеме жасап. 

Ведомство Ислам республикасы «барлық елдердің, әсіресе мұсылман және көрші мемлекеттердің егемендігін құрметтейтінін» мәлімдеді.

Иран тарабы жағдайға Израильді айыптап, оны «түрлі тәсілдер арқылы мұсылман елдері арасындағы қатынасты бұзуға тырысып жатыр» деп хабарлады.

Бұған дейін осындай мәлімдемені Иран сыртқы істер министрінің орынбасары Казем Гарибабади де жасаған.

Айта кетейік, бұған дейін ирандық дрондар Әзербайжанның Нахчыван әуежайына шабуыл жасады деген ақпарат тараған еді. 

Оқи отырыңыз:

• Жібек жолы ауылында өз отбасын қырып тастаған күдікті бұрын сотталған
• Терезеден сығалаған: Атырау облысында сталкинг дерегі бойынша алғашқы үкім шықты