Іле ауданындағы тұрғындар депутат Нұрлан Байғазиевтің әрекетіне наразы болды

Іле ауданындағы тұрғындар депутат Нұрлан Байғазиевтің әрекетіне наразы болды. Олардың айтуынша, халық қалаулысы көпқабатты үйдің бірінші қабатындағы екі пәтерді қайта жоспарлап, оларды жеке кеңсеге айналдырмақ болған, деп хабарлайды Orda.kz.

Шенеуніктің бұл бастамасы тұрғындардың көңілінен шықпады. Себебі жөндеу жұмыстары барысында балкон бұзылған, ағаштар рұқсатсыз кесілген.

Сонымен қатар, депутаттың мінез-құлқы да халықтың ашуын туғызған. Куәгерлердің айтуынша, Байғазиев ауладағы әйелдермен дөрекі сөйлесіп, тұрғындарды қуып шыққан. «Сендер бұл жерде ешкім емессіңдер» деп пәтер мен тіркеу құжаттарын талап еткен. Бұл оның қызметтік өкілеттігіне жатпайды. Сондай-ақ, тұрғындарға «дау көтерем» деп қоқан-лоққы көрсеткен көрінеді.

Тұрғындар қадағалаушы органдардан депутаттың әрекетіне назар аударуды сұрайды.