Іле-Алатау ұлттық паркі туристер үшін жабылды

Алматы облысының билігі қауіпсіздік мақсатында Іле-Алатау мемлекеттік ұлттық табиғи паркі аумағына туристердің кіруін шектеу туралы шешім қабылдады, деп хабарлайды аймақ әкімдігі.

"Шектеулер Талғар өзенінің сол жақ алқабындағы Морена көлін босату, сондай-ақ селден қорғау құрылысы алдында өзен арнасын тазарту жөніндегі іс-шараларды жүргізуге байланысты. Бұл іс – шаралар Талғар, Кеңдала, Ақтас елді мекендері тұрғындарының қауіпсіздігін қамтамасыз етуге бағытталған" делінген әкімдік хабарламасында.

Сонымен қатар, Талғар ауданында жергілікті ауқымдағы табиғи сипаттағы төтенше жағдай режимі жарияланды, бұл күрделі сел жағдайына байланысты.

ТЖМ деректері бойынша қауіпті аймақта 30 мыңнан астам адам тұратын Тау-Түрген, Түрген, Қаракемер, Балтабай елді мекендері бар. Билік тұрғындар мен туристерді сақ болуға және ресми орындардың хабарламаларына назарда ұстауға шақырады.