ІІМ шетелге барып жұмыс істегісі келетіндерге үндеу жасады

ІІМ қазақстандықтарды шетелдегі жалақысы жоғары жұмысқа барамын деп, сан соғып қалмауға шақырды, деп хабарлайды Orda.kz.

Ведомство өкілдері алаяқтар әлеуметтік желілерде табысы жоғары, жол ақысы мен жатын орны тегін, тәжірибе мен тіл білуді талап етпейтін оңай жұмыс ұсынып, ақыр соңы тақырға отырғызып кетіп жатқанын мәлімдеді.

Алайда шетелге барған азаматтар жеке куәлігі мен өзге де құжаттарынан айрылып қалуы, еркін жүріп-тұру мүмкіндігі шектелуі, уәде етілген жалақының берілмеуі, бопсалауға ұшырауы мүмкін. 

ІІМ сол үшін шетелге жұмысқа тек ресми тіркелген, лицензиясы бар агенттіктер арқылы баруды ұсынды. Сонымен қатар, жұмыс беруші туралы мәліметті және келісімшарт талаптарын жан-жақты тексеріп, құжаттарды бейтаныс адамдарға сеніп тапсырмауды сұрады.

Оқи отырыңыз:

• Қасым-Жомарт Тоқаев қауіпсіздік шараларын күшейтуді тапсырды
• Астана мен Алматыда үш күн қатарынан қолайсыз ауа райы болады
• ҚР СІМ: Қазақстан Газа секторына әскер жібермейді