Хирургтер үш адамға бір донордың екі бүйрегі мен жүрегін салды

Мереке қарсаңында Павлодар облысына санитарлық авиация бортында жоғары білікті дәрігерлер бригадасы келді, деп хабарлайды Orda.kz  ҚР Денсаулық сақтау министрлігіне сілтеме жасап. 

Олардың құрамында Ұлттық ғылыми онкология орталығы мен Астанадағы кардиохирургия орталығының трансплантологтары, кардиохирургтары, анестезиологтары мен медбикелері болды.

Осы орайда Астана қаласында бағдарлама бойынша таңдалған және кезекте тұрған адамдарды қосымша тестілеуден өтуге шақырды.

Медициналық тексеру қорытындысы бойынша және комиссия шешімімен 26 жастағы пациент анықталды. Ол бүйрек ауруы V терминальді сатысы диагнозымен 6 жыл гемодиализбен жүрген.
Астанадағы Ұлттық ғылыми онкологиялық орталықта дәрігерлер ересек науқасқа қайтыс болған адамның бүйрегін алмастыру операциясын сәтті жасап шықты.

 Реципиент палатаға ауыстырылды, бүгінгі күні жағдайы жақсы, тұрақты. Бүйрек толық жұмыс істейді. Астанадағы ана мен бала орталығында жас баланың екінші бүйрегі ауыстырылды. Кардиохирургиялық орталықта да пациентке жүрек трансплантациясы жасалды.