Халықаралық Аралды құтқару қорын Қазақстан басқарады

Қазақстан халықаралық қорға үш жыл төрағалық етеді, деп хабарлайды Orda.kz.

Бұған дейін Су ресурстары және ирригация министрі Нұржан Нұржігітов Қазақстанның төрағалық мәртебесінде қолдауға ниетті жобалары туралы айтқан болатын.

Өткен жылдың қарашасында Швейцария делегациясымен кездесуінде ол Орталық Азиядағы барлық елдердің мүдделерін ескеретін халықаралық су-энергетикалық консорциум құру жоспары туралы айтқан болатын. 

Оны құру бастамасы Президент Қасым-Жомарт Тоқаевқа тиесілі. Сонымен қатар, Қазақстан, Өзбекстан, Қырғызстан, Тәжікстан және Түркіменстан қатысатын гидрогеологиялық болжау жөніндегі бағдарламаны іске қосу жоспарлануда.

Естеріңізге сала кетейік, Халықаралық Аралды құтқару қоры 1993 жылы Арал теңізі бассейнінің экологиялық жағдайын жақсарту бағдарламаларын іске асыруға және оның әлеуметтік-экономикалық мәселелерін шешуге көмектесу мақсатында құрылған. 

Оның құрамына Орталық Азияның бес мемлекеті кіреді: Қазақстан, Қырғызстан, Тәжікстан, Түркіменстан және Өзбекстан.