Газа секторының жаппай атқылауынан кейін Израиль соғысқа дайын екенін жариялады

Израиль қорғаныс күштері жауынгерлік әзірлік жағдайын жариялады. 7 қазанда Израильдің бірнеше аймағында зымыран жарылыстары болды.

Израиль ақпарат құралдарының хабарлауынша, сенбі күні таңертең Израильге кемінде 10 зымыран ұшып келген. Бір адам өлімінің болғаны белгілі.

Ел амағына жау әскери бөлімшелері еніп кеткені атап өтіледі. Көшеде ұрыс болып жатыр.

«Израиль қорғаныс күштері дабыл күйін жариялайды. Соңғы бір сағат ішінде Хамас лаңкестік ұйымы Газа секторынан Израиль аумағына жаппай зымыран шабуылын жасады, ал лаңкестер Израиль аумағына бірнеше жерлерде кіріп кетті» делінген армияның баспасөз хабарламасында. 

Оңтүстік және орталық аудандар тұрғындарынан баспаналардың жанында, ал Газа секторына іргелес жатқан аумақтарда - баспана ішінде болу сұралды. Хабарланғандай, қазір Бас штаб бастығы жағдайды бағалап, Израиль қорғаныс армиясы қызметін жалғастыру жоспарларын бекітіп жатыр.

«Хамас лаңкестік ұйымы Газа секторында егемендікке ие және бұл шабуылға жауапты. Ол бұл оқиғалардың салдарына жауап беретін болады» делінген хабарламада.

Бұқаралық ақпарат құралдарының хабарлауынша, алғашқы 20 минутта Газа секторынан Израильге 5 мыңға жуық зымыран атылған. Елде атыс болып жатыр. Палестиналық содырлар қазірдің өзінде тұтқынға алынған израильдік әскерилер туралы хабарлап жатыр. Егер бұл расталса,  соңғы онжылдықтардағы бірінші соғыс болады. Израильде резервтегілерге кеңейтілген шақыру жарияланды.