Еуроодақ ХАМАС-ты лаңкестік ұйым деп ресми мойындады

Франция мен Еуроодақ палестиналық ХАМАС тобын террористік ұйым деп таныды.

Бұл туралы Франция премьер-министрі Элизабет Борн мәлімдеді.

«ХАМАС - лаңкестік топ, оны Франция мен Еуропалық Одақ мойындайды»,- деді Борн.

Ол «терроризм мен айуандықтың ешқандай ақтауы жоқ» деп қосты және француз бюджетінен бір еуро да «терроршылардың қолына түспеуі керек»,- деп атап өтті.

Министрлер кабинетінің басшысы Париждің Таяу Шығыста ұзақ мерзімді бейбіт реттеуге қол жеткізуді жақтайтынын атап өтті, бірақ «бұл көп уақытты қажет ететінін» де мойындады.

Борн сонымен бірге билік Францияда антисемитизмнің «көшеде де, интернетте де» көрініс табуына жол бермейтінін айтты.

ХАМАС 1987 жылы 14 желтоқсанда құрылған. Топ мүшелері Израильдің өмір сүру құқығын жоққа шығарады және олардың негізгі мақсаты - 1948 жылы Израиль құрылғанға дейін  Палестинаға қараған барлық аумақты қамтитын Палестина мемлекетін құру.

ХАМАС Израильді 7 қазанда атқылай бастады. Ел кейінірек соғыс басталғанын жариялады.