Ердоған: Түркия Израильмен барлық сауданы тоқтатты

Түркия президенті Режеп Тайып Ердоған Газа секторындағы қақтығысқа байланысты елдің Израильмен сауда қатынасын тоқтатып отырғанын айтты.

Ердоған көлемі 9,5 миллиард долларға жеткен сауданы тоқтату шешімін Израиль премьер-министрі Биньямин Нетаньяхудың Газадағы әскери операция кезіндегі әрекеттерімен түсіндірді.

«Өкінішке қарай, Нетаньяху балаларға, әйелдерге және қарттарға қатыгездікпен қарайды. Олар ештеңе істей алмайды. АҚШ бастаған бүкіл Батыс Израильді қолдап, жұмыс істейді. Бірақ мәселеге тап болған біз бұдан былай шыдай алмай, шара қолдандық»,- деді Түркия президенті.

Бұл туралы ол Ыстамбұлда журналистерге берген сұхбатында айтты.