Еліміздегі балалар ұйымдарына 7 миллион теңге айыппұл салынды

Қазақстанның әр өңірінде 32 балаларды сауықтыру ұйымы тексерілді. Нәтижесінде оларға жеті миллион теңгеден асатын айыппұл салынды. Бұл туралы Орталық басқару ызметінде өткен брифингте Техникалық реттеу және метрология комитетінің төрағасы Қуаныш Елікбаев айтты, деп хабарлайды Orda.kz тілшісі.

Прокуратурамен бірлесе жүргізген департаменттің тексерісіне лагерьлер, арнаулы мектептер, мектеп-интернаттар, оқушылар сарайлары және жазғы демалыста балалардың бос уақытын өткізетін басқа да нысандар қамтылды.

«Ұйымдардың 337-ден астам тексерілмеген өлшеу құралдарын пайдаланғаны анықталды. Олардың ішінде таразылар, термометрлер, тонометрлер бар. Яғни, ағзаның өмірлік көрсеткіштерін өлшеуге арналған құралдар. Олардың дұрыс жұмыс істемеуі балалрдың денсаулығына қауіп төндіруі мүмкін», - деді Елікбаев.

Сондай-ақ Шығыс Қазақстан облысында көлік прокуратурасымен бірлесе отырып, қоғамдық көлікті автобуспен қамтамасыз еткен компаниялардың бірін тексерді.

«Жұмысқа шығатын жүргізушілерді күнделікті медициналық тексеру үшін тексерістен өтпеген алкотестер мен тонометрлер пайдаланылғаны белгілі болды», - деді спикер.