Елімізде мектеп күзетшілеріне қару ұстауға рұқсат беріледі

Үкімет Қазақстанда мектептер мен балабақшаларды күзету бойынша бірыңғай талаптарды бекітті, деп хабарлайды Orda.kz. 

Бұл туралы премьер-министрдің орынбасары Ермек Көшербаев мәлімдеді. Оның айтуынша, білім беру мекемелерінің қауіпсіздігін лицензиясы бар күзет ұйымдары қамтамасыз етеді. 

Жаңа талап бойынша, енді күзет қызметіне арнайы дайындықтан өткен 25-50 жас аралығындағы ер адамдар алынады. Күзетшінің арнайы кәсіби дайындықтан өткен болуы және қару алып жүруге, оны қолдануға лицензиясы болуы шарт. Бастысы бұрын сотталмаған болуы керек. Сонымен қатар мектепті күзету үшін мекеме кем дегенде 2 жедел әрекет ету тобын жасақтауға тиіс.

Ермек Көшербаевтың айтуынша, қазіргі таңда кейбір білім беру ұйымдарында жасанды интеллект жүйесі енгізіліп жатыр екен. Бұл жүйе буллинг деректерін автоматты түрде анықтап, мектеп әкімшілігіне ескерту жібереді. Жүйе мектеп ішінде ғана емес, оның айналасындағы аумақта да қауіп-қатер белгілерін анықтай алады.

Айта кетейік, М.Әуезов атындағы Оңтүстік Қазақстан университетінде басшылық қаражат жымқырған еді. Тергеу ісі аяқталды.