«Ел экономикасы»: Қазақстанның шетелге аударған ақшасы 73 млрд болды

2024 жылдың маусымында Қазақстаннан шетелге жіберілген ақшалай аударымдардың көлемі өткен жылмен салыстырғанда 16,6%-ға азайып, 73 миллиард теңге болды. 

Бұл туралы Ұлттық банк хабарлады.

Түркия мен Грузияға жіберілген аударымдар айтарлықтай төмендеп, 34,6% және 35,5% болды. Өзбекстан, Ресей және Қырғызстанға жіберілген аударымдар да азайса да, өзге елдермен салыстырғанда жоғары болып тұр.

Қазақстанға шетелден келген аударымдардың көлемі 27,4%-ға қысқарып, 19,3 миллиард теңге болып отыр. Сондай-ақ, Ұлттық банк Ресейден келген аударымдардың 48,5%-ға қысқарғанын айтты.

Бұл жағдай елдің экономикасына, халықтың әлеуметтік жағдайына ғана емес, тікелей валюта бағамына да әсер етуі мүмкін.