Екібастұзда 7 жастағы бала мысықты 10-қабаттан лақтырды деген ақпарат рас па?

Екібастұзда тұрғын үйлердің бірінде жеті жасар бала үйсіз жүрген мысықты 10 - қабаттан абайсызда құлатып алған, деп хабарлайды Orda.kz

Павлодар облысының бала құқықтары жөніндегі уәкілі  Сәуле Шәкенованың айтуынша, қайғылы оқиға кездейсоқ болған екен. Оқиғадан кейін жануарларды қорғаушылар шу көтеріп, мысықтың өліміне екі ұл мен бір қызды кінәлады. Айып тағылған балалардың бірі – жеті жастағы ұл. Өлген жануар –  сол маңды мекендеген қаңғыбас мысық болғанын, балалар оған әрдайым тамақ беріп, ойнатып жүргенін айтты Шәкенова.

«Мысық өлген күні де балалар мысықты ойнатып жүрген. Олар көрші тұратын достарына барған кезде жеті жасар ұл бала мысықты баспалдаққа қойған. Мысық абайсызда құлап кеткен. Артынша бала бірден жүгіріп түсіп,  мысықтың өлі денесін қолдарына алады. Дәл осы сәт бейнебақылау камерасы түсіп қалып әлеуметтік желіге тарап кетті», – деді омбудсмен Шәкенова.

Сонымен қатар, Шәкенованың сөзінше, баланы 2023 жылдан бері әжесі қамқорлығына алып тәрбиелеп отыр екен. 

«Әжесі кәмелетке толмағандардың ісі және олардың құқықтарын қорғау жөніндегі комиссия отырысына шақырылды. Әжесінің жағдайынан соңғы күндері қатты қиналғаны көрініп тұрды. Әлеуметтік желідегі пікірлерден кейін ол немересін тартып алады деп қорыққан. Әжесіне де, балаға да психологиялық көмек ұсынылды», – деді Шәкенева.