Екібастұз ЖЭО апаттан кейін жұмысын қалпына келтірді

Павлодар облысының әкімі Асайн Байхановтың айтуынша, күл-шаятын су құбыры зақымданғаннан кейін станцияда жөндеу жұмысы үздіксіз жүргізілген.

Бүгін сағат 04:30-да Екібастұз ЖЭО-да ыстық су қазандықтары жұмысын қатты отынға ауыстыру басталды.

«10 желтоқсан күні сағат 19:30-да бұрын су басқан аумақтардың барлығы құрғатылды. Осыдан кейін мамандар екі электр қозғалтқышын ауыстырып, сол арқылы күл құбыры сорғы станциясының жұмысын қалпына келтірді. Сағат 06:00-де бұрын мазутпен жұмыс істейтін үш ыстық су қазандығы толығымен негізгі отын түрі – көмірге ауыстырылды» деді облыс әкімі.

Осы уақытқа дейін станция белгіленген параметрлерге қол жеткізді: алты қазандық агрегаты жұмыс істеп тұр, үш қазандық резервте, біреуі жоспарлы жөндеуден өтті. Жылу беру параметрлері: қысым - 9/1,5 кгс/см²; жылу электр станциясынан шығатын жердегі температура 79 °C.

Әкімдік екібастұздықтардың пәтерлері алдағы үш-төрт сағат ішінде жылынып, сағат 10:00-де жылытудың  температуралық көрсеткіштері 90 °C-қа жетеді деп уәде берді.

10 желтоқсан күні сағат 01:10-да Екібастұздағы жылу электр орталығында тағы бір апат болды. Күл құбырына зақым келген.