Джей Лоның концертінде төбелес шығарған әйел полиция басшысының жұбайы екені анықталды

Әлеуметтік желілерде полицейлердің концерт кезінде жанжал шығарған әйелді сыртқа алып шыққан сәті түсірілген бейнежазба тарап жатыр, деп хабарлайды Orda.kz. 

Бейнежазбада әйел көрермендермен төбелесуге шақ қалғанда, тәртіп сақшылары оны залдан шығарып жатқанын көруге болады. Бұл туралы Telegram-дағы «За нами уже выехали» арнасы хабарлады.

Астана қалалық полиция департаменті бұл оқиға бойынша қылмыстық-процессуалдық кодекске сәйкес сотқа дейінгі тергеу басталғанын растады.

«Әлеуметтік желілерде әлемдік жұлдыздың концерті аяқталғаннан кейін әйел адамның басқа көрермендермен келісе алмай, жанжал шығаруға шақ қалған сәті түсірілген бейнежазба тарады. Астана полициясы бұл жайт бойынша сотқа дейінгі тергеу амалдары басталғанын хабарлайды» деп жазылған хабарламада.

Сонымен қатар, тергеу барысында оқиғаның басты кейіпкері – ішкі істер органы қызметкерінің жұбайы екені анықталған.

Алайда полиция бұл жайттың құқықтық баға беруге ешқандай әсер етпейтінін атап өтті.

«Бұл оның қоғамдағы мінез-құлқы үшін жеке жауапкершілігін күшейтетін фактор ғана. Полиция департаменті барлық азаматтардың заң алдында тең екенін ескертеді. Қызметкердің отбасы мүшесі болу ешқандай артықшылық бермейді», деп мәлімдеді Астана ПД.

Департамент тергеу барысы басшылықтың қатаң бақылауында екенін де айтты.

Кейін бұл әйел полиция қызметкерінің жары екенін Астана Полиция департаменті растады. Бірақ оның ешқандай артықшылыққа ие бола алмайтынын ескертті.

«Барлық азаматтар заң алдында тең. Тіпті J.Lo концертіне кірсеңіз де солай болады», – деді полиция өкілдері.