«Дүбірлі көкпар»: Қазақстан дүниежүзі көшпенділер ойынының бас жүлдесін жеңіп алды

12 қыркүйекте Қазақстан көкпаршылары финалда Қырғызстан командасын 5:4 есебімен жеңіп, V Дүниежүзілік көшпенділер ойындарының алтын медалін жеңіп алды, деп хабарлайды Orda.kz.

Бірінші таймда Қырғызстан командасы 3:1 есебімен алға шықты. Екінші таймда Қазақстан командасы есепті теңестіріп, ойын 4:4 есебімен аяқталды. Қосымша уақыттың 10 минутында қазақ көкпаршысы шешуші салым салды.

Көкпар турнирінде тоғыз елдің командалары қатысты, ал жалпы спортшылар саны 104 адам болады. Қазақстандықтар бұған дейін Өзбекстан мен АҚШ командаларын жеңіп, өздерінің шеберлігін және төзімділігін көрсеткен болатын.

Бұл жеңіс Қазақстанның дәстүрлі көшпелі спорт түріндегі жетістігін айқындап, елдің спорттағы абыройын тағы бір рет асқақтатты.

Еске сала кетейік, Orda.kz Астанада көшпенділер ойындарындағы көкпар турнирінің финалында Қазақстан мен Қырғызстан спортшылары арасында төбелес шыққанын жазған болатын.