Дональд Трамп Ақ үйде ауызашар берді

Дональд Трамп АҚШ мұсылмандарына сайлаудағы қолдауы үшін алғыс айтты, деп хабарлайды Orda.kz.

Ақ үйдегі ауызашар 27 наурызда өтті. Бұл – Трамптың екі президенттік мерзімі ішінде алғаш рет ұйымдастырған ауыз ашары. Іс-шараға Сауд Арабиясы, Мысыр, БАӘ, Қатар, Ливан, Пәкістан және басқа да елдердің дипломаттары қатысты.

Трамп ауызашар кезінде президенттік сайлауда өзін қолдаған «жүз мыңдаған мұсылманға» ризашылығын білдірді. Ол Таяу Шығыстағы жағдайға тоқталып, «тынымсыз дипломатия» жүргізіп жатқанын айтты.

«Біз сөзімізде тұрамыз. Біз Таяу Шығыстағы бейбітшілік жолында жұмыс істеп жатырмыз. Мичиган мұсылмандары, сіздер ерекше маңыздысыздар. Мен Ақ үйде болсам да  сіздермен біргемін.  Ақ үйде сіздерді жақсы көретін адам бар», — деп түйіндеді Трамп.