Димаш Құдайберген Қытайда продюсер ретінде алғашқы марапатын алды

Димаш Құдайберген «Халықаралық мәдени алмасуға қосқан жылдық үлесі үшін» марапатына ие болды, деп хабарлайды Orda.kz. 

Dimashnews мәліметінше, Қытайдың Макао қаласында өткен «Weibo Cultural Exchange Night 2026» салтанатты кешінде Димаш Құдайберген өнер көрсеткен. Салтанатты кештің ашылуында әлемдік деңгейдегі жұлдыздар бас қосты. 

Димаш фестивальдің қызыл кілемінде Макаоның «МайМай» тұмарымен көзге түсті. Қазақстанның халық әртісі фестивальде «Fire» композициясын орындап, қытайлық тыңдармандардың ықыласына бөленді.

Шара қорытындысында Димаш Құдайбергенге Weibo Macau China тарапынан «Халықаралық мәдени алмасуға қосқан жылдық үлесі үшін» марапаты табысталды.

Бұл марапат әртүрлі елдердің мәдениетін насихаттап, халықтар арасындағы байланысты нығайтқан өнер иелеріне беріледі. 

Оқи отырыңыз: 

• ХҚКО-лардың қызметі азайып, бәрі онлайн форматқа өтіп жатыр
• АҚШ пен Иран келіссөздерді уақытша тоқтатты: Бітімгерлік келісім аяқсыз қалды