Депутат Эпштейн файлындағы қазақтар туралы шындықты талап етті

ЖСДП фракциясының жетекшісі Асхат Рахымжановтың Бас прокурор Берік Асыловқа, Ұлттық қауіпсіздік комитетінің төрағасы Ермек Сағымбаевқа «Эпштейн файлдарында» айтылған Қазақстан азаматтары туралы депутаттық сауал жолдады, деп хабарлайды Orda.kz.

Асхат Рахымжановтың сауалында аталмыш файлда Кәрім Мәсімов 8 рет аталғаны айтылады.

«Құжаттарда бұрынғы премьер-министр және ҰҚК төрағасы Кәрім Мәсімовтің аты-жөні кемінде сегіз рет аталады. Мәсімов қазір мемлекетке опасыздық жасағаны және билікті басып алуға әрекеттенгені үшін жазасын өтеп жатыр. Материалдардан Джеффри Эпштейн мен Мәсімовтің жеке таныс болғаны көрінеді», - деді Асхат Рахымжанов.

Сондай-ақ фракция жетекшісінің мәліметінше, файлда Эпштейн мен Қайрат Қилымбетовтің Нью-Йоркте бірге демалғаны айтылады. Қайрат Қилымбетов бұған дейін премьер-министрдің орынбасары болып, Ұлттық банкті басқарған.

Депутаттар мына бағыттар бойынша тексеру жүргізіп, нәтижесін парламентшілер мен қоғамға хабарлауды сұрайды:

• Эпштейн файлдарында көрсетілген, аты аталған қазақстандық лауазымды тұлғалар және олармен аффилиирленген адамдар туралы ақпарат.
• Эпштейн мен аталған тұлғалар арасындағы кездесулердің сипаты мен мақсаттары.
• Эпштейнмен басқа да қазақстандық саясаткерлердің, кәсіпкерлердің және шоу-бизнес қайраткерлерінің байланыста болуы.
• Ел аумағында да, шетелде де Эпштейнмен бейресми кездесулер, жабық келіссөздер, ақпарат алмасу және өзара әрекеттесудің кез келген басқа нысандары.
• Ұлттық қауіпсіздікке ықтимал қатерлерді құқықтық бағалау: лауазымды тұлғалардың беделін түсіру, құпия ақпараттың, оның ішінде мемлекеттік құпияны жария ету тәуекелдері.
• Болашақта мұндай жағдайларға жол бермеу үшін қабылданған немесе жоспарланған шаралар.

Оқи отырыңыз:

• ҰҚК «Проблемалық кредиттер қоры» АҚ басқармасының бұрынғы төрағасын ұстады
• Бейбітшілік кеңесінің ресми сайты іске қосылды
• Зорлық үшін сотталған Талдықорғандағы полиция басшысы колониядан арыз түсірді