Денсаулық сақтау министрі неге ауысты? Вице-премьер түсіндірді

Вице-премьер Тамара Дүйсенова Ажар Ғинияттың денсаулық сақтау министрі ретіндегі жұмысына баға берді, деп хабарлайды Orda.kz.

Дүйсеноваға «Ғинияттың қызметін тоқтатуына Әлеуметтік медициналық сақтандыру қорына қатысты сын себеп болды ма?» деген сұрақ қойылды.

«Біз өмір бойы жұмыс істемейміз ғой. Ажар Ғиният өзіне жүктелген тапсырмаларды орындады. Ендігі жаңа міндет – осы жүйенің қаржылық бөлігін тапсыру», - деп жауап берді вице-премьер. 

Кейінгі кездері бұрынғы министрге қатысты сын көп болды. Қаңтар айында қазақстандықтар оның қызметінен кетуін талап етіп, петиция жариялаған. Ал бір айдан кейін Ғинияттың орнына сенаттан Ақмарал Әлназарова келді.