Дәрігерлер елемеген қауіп: шизофрениямен ауыратын ер адам көршісін 27 рет пышақтады

cover Фото: Envanto

Атырау облысында шизофрениямен ауыратын ер адам көршісін 27 рет пышақтап өлтірген. Қайғылы оқиға марқұмның отбасы көз алдында болды, деп хабарлайды Orda.kz.

Қайғылы оқиға 2025 жылдың 8 маусымында Құрманғазы ауданының аумағындағы Каспий ауылында болған.

Көп жылдан бері шизофрения диагнозымен есепте тұрған ер адам көршісіне шабуыл жасап, оған 27 пышақ жарақатын салған. Ең сорақысы — оқиға марқұмның отбасының көз алдында, үйдің ауласында болған.

Сот мәліметінше, марқұмның отбасы да жылдар бойы осындай қауіпке қарамай бірге өмір сүріп келген. Ер адамның психикасы жиі сыр беріп, ашушаң күйге түсіп, пышақ алып шығатын болған. 

Психикалық денсаулық орталығының дәрігерлері науқастың жағдайы «жақсарып келеді» деп сендіріп, оны бірнеше рет үйіне қайтарып жіберген.

Қайғылы жағдайдан кейін сот ер адамды есі дұрыс емес деп танып, оны мәжбүрлі ем қабылдауға жіберді. Сондай-ақ, медицина қызметкерлерінің немқұрайлылығы үшін сот жеке ұйғарым шығарды.

Жаңалықтар

барлық жаңалықтар