Бокстан Қазақстан Ұлттық құрамасының жаңа бапкері өз жоспарымен бөлісті

Қазақстанның бокстан ерлер ұлттық құрамасы Парижде өтетін 2024 Олимпиада ойындарында үш-төрт алтын алуы тиіс. Мұндай мақсаттарды ұлттық құраманың жаңа бапкері Қайрат Сәтжанов айтты.

Бұл туралы Orda.kz Vesti.kz -ке сілтеме жасап хабарлады.

Оның айтуынша, келесі Олимпиадада отандық боксшылар да командалық есепте бірінші орынды иеленуі тиіс.

Сәтжанов «Хабар 24» арнасына берген сұхбатында алдағы әлем чемпионатында Қазақстан атынан жас спортшылардың қатысатынын атап өтті. Осылайша, жаттықтырушылар штабы қолда бар резервті көргісі келеді.

Еске салсақ, бас бапкер ретінде Сәтжанов 2018 жылдан бері ұлттық құрама тізгінінде болған Ғалымбек Кенжебаевты алмастырды.

Сәтжановтың жаттықтырушылық өтілі - 31 жыл.

2011 жылдан 2019 жылға дейін Қазақстан жасөспірімдер құрамасының аға жаттықтырушысы болып жұмыс істеді. Осы уақыт ішінде оның боксшылары екі рет «Азия балалары» халықаралық ойындарының медальдық кестесін жеңіп алды, екі рет әлем чемпионаттарының үздік үштігіне кірді, Азия чемпионатында екі рет жеңіске жетті.

2019 жылы Сәтжанов Қазақстан жастар құрамасының бас жаттықтырушысы болып тағайындалды. Екі жыл ішінде оның ойыншылары Азия чемпионатында екі рет командалық есепте жеңіске жетті және әлем чемпионатында екінші орынға ие болды.