«Боқауыз сөз қосқан»: Рэперге Талғар туралы жазған әні үшін айыппұл салынуы мүмкін

Рэпер Кәрім Асылбеков әлеуметтік желідегі парақшасында Талғар туралы жазылған әніне боқауыз сөз қосқаны үшін айыппұл салынуы мүмкін екенін мәлімдеді, деп хабарлайды Orda.kz. 

Көпшілікке Кәрім ағай деген атпен танымал қазақ рэпері Кәрім Асылбеков кеше Талдықорған қаласының полициясына шақырылды. Полиция рэперге Талғарға арналған әнде балағат сөздер қолданғаны үшін әкімшілік құқық бұзушылық туралы хаттама толтырған. 

Полицейлердің айтуынша, Карім ағай ән айтып, ұсақ бұзақылық жасаған екен. Клиптің видеосы мәтінде расымен ұятсыз сөздер бар-жоғын білу үшін сараптамаға жіберілді. Егер сараптама мұны растаса, рэпер айыппұл арқалайды.    

Рэпердің жанкүйерлері полицияның әрекетін сөз бостандығына қарсы келу деп бағалады.