Блогер Гусейн Гасанов сырттай қамауға алынды

Ресейдің танымал блогері Гусейн Гасанов сырттай қамауға алынды. Оған 170 миллионнан астам салықты төлеуден жалтарды деген айып тағылды, деп хабарлайды Orda.kz. 

Ресей Федерациясының тергеу комитеті қылмыстық іс қозғады. Блогердің ісін Мәскеу қаласы бойынша Бас тергеу басқармасының тергеу органдары қолға алды.

Тергеу мәліметтері бойынша, 2019-2021 жылдары Гасанов 170 миллион рубльден астам салық төлеуден жалтарған. Гасанов шетелде жасырынып жүргендіктен, сырттай айып тағылды. Оған халықаралық іздеу жарияланды. 

Блогердің өзі әлеуметтік желіде бұл жағдай аса қауіпті емес екенін айтты. Оның сөзінше, салыққа қатысты барлық мәселелер былтыр шешілген. Блогер заңгерлердің бұл іс бойынша жұмыс істеп жатқанын, жағдайға нүкте қойылатынын мәлімдеді.

Айта кетейік, ал атақты проюссер, репер P. Diddу қыз зорлағаны үшін 50 жылға бас бостандығынан айырылуы мүмкін.