БҚО-дағы 5 баланың қазасы: Өрттің алдын ала себебі айтылды

Төтенше жағдайлар вице-министрі Кеген Тұрсынбаев Батыс Қазақстан облысында 5 баланың өмірін жалмаған өрттің алдын ала себептері туралы айтты, деп хабарлайды Orda.kz.

Кеген Тұрсынбаев сараптама нәтижелері жақын арада шығатынын мәлімдеді.

«Балалардың әкесі жұмыста болған, ал жұбайы оларды сыртынан құлыптап, дүкенге кеткен. Балалар өздері ойнап жүріп, өрт тұтатып алуы мүмкін. Сараптама жуық арада аяқталады. Жұмыс жалғасып жатыр», — деді Тұрсынбаев.

Вице-министрдің айтуынша, өткен жылдың қыркүйегінде отбасы тұрып келген бұрынғы үйге газ есептегіштері орнатылған. Алайда шамамен бір ай бұрын олар жаңа үйге көшкен.

Айта кетейік, қайғылы оқиға 4 маусымда Жымпиты ауылында болды. 5 бала көмірқышқыл газына уланып, қайтыс болды.