Бишімбаевтың жазасын жеңілдету ұсынылды

Қуандық Бишімбаевты қорғаушы адвокат Назкен Құсайынова оған тағайындалған жазаны (24 жыл қатаң режимдегі мекемеде өтеу) заңсыз, әділетсіз және негізсіз деп мәлімдеді.

Ол апелляцияға негіз ретінде алқабилерді іріктеу кезінде сот жіберген бұзушылықтарды келтірді.

«Кейіннен таңдалған №26 алқабиге кандидат сотта екі жас үш айлық баласы бар екенін айтты. Төрайым одан процеске қатыса ала ма деп сұрады. Бұл ҚР Қылмыстық-процестік кодексінің 640-бабының 5-бөлігінің талаптарын өрескел бұзу болады, оған сәйкес үш жасқа дейінгі балалары бар адамдар алқабилер сотына қатысудан босатылады», — деді Назкен Құсайынова.

640-бапта іс жүзінде үш жасқа дейінгі балалары бар кандидаттарды судья өздерінің ауызша немесе жазбаша өтініші бойынша қатысудан босатады деп көрсетілген. Бірақ адвокат судьяның осы нақты арызданушыны босатпауын «өрескел процессуалдық бұзушылықтардың» бірі деп санады және ол кейіннен алқаби болды.

«Бұл алқаби бүкіл сот процесінде ұйықтап қалды, телефонын тастап кетті және тараптардың дәлелдемелерін тыңдамады», - деп қосты Назкен Құсайынова.

Сондай-ақ ол судьяның алқабиге үміткерден оның некеге тұрған-тұрмағанын және тұрмыстық зорлық-зомбылыққа ұшырағанын сұрамауын процессуалдық бұзушылық деп санады. Назкен Құсайынованың пікірінше  бұл сұрақтардың қойылмауы «қазылар алқасы тарапынан теріс пікір бар» деп болжауға негіз берді.