Бишімбаевтың анасы сотта келінінің өлімін есіне алып, көзіне жас алды
Фото: Orda.kz
Астанада бұрынғы Экономика министрі Қуандық Бишімбаевтың анасы өзінің туысы Бекзат Кемелованы алаяқтық жасады деп айыптады. Қазір іс бойынша сот талқылауы жалғасып жатыр, деп хабарлайды Orda.kz.
Соттағы мәліметке сүйенсек, Альмира Нұрлыбекова өзінің туысы Бекзат Кемелованы 990 мың АҚШ долларын (айыптау актісіне сәйкес 453 млн 182 мың 400 теңге) иемденді деп айыптап отыр.
Талқылау басында жәбірленушінің адвокаты Ерлан Ғазымжанов соттан Бекзат Кемеловадан келтірген шығынды өндіруді сұрады.
«Мен Кемелованы 15 жылдан астам уақыттан бері жақсы танимын. Ол менің күйеуімнің немере ағасының әйелі», — деп сөзін бастады Нұрлыбекова.
Альмира Нұрлыбекованы Антикордағы бір туысы тінту жұмыстарын жүргізуі мүмкін екенін айтып, қорқытқан.
«Мен оның сөзіне құлақ асып, ақшаны кімге бере алатынымды талқыладық. Менің туыстарым көп. Ол менің 30 туысымның Антикор тізімінде бар екенін айтты. Бұл тізімде тек Кемеловтар жоқ. Мен оған ақшаны сақтай тұруға бердім», — деп сөзін жалғастырды екі рет сотталған министрдің анасы.
Алайда Кемелова ол ақшаны қайтармаған көрінеді. Қуандық Бишімбаевтың анасының айтуынша, Кемелова бір адамның Америкаға ақшаны әкетіп қалғанын айтқан. Содан кейін Бишімбаевтар оның күйеуін шақыртып, мәселені талқылаған.
«Содан кейін Бекзат маған қоңырау шалып, жылай бастады: «Неге оған ақша туралы айттың? Күйеуім мені ұрды, тепкіледі. Қазір бүйрегім ауырады» деп. Ол маған жақсылық жасап, ақшаны сақтап қалғысы келгенін айтты», — деді Альмира Нұрлыбекова.
Бекзат Кемелованың өзі кінәні мойындамай, Бишімбаевтар отбасының талабы негізсіз екенін айтты.
Сотталушының адвокаттары Бишімбаевтар таққан айыптың басқа нұсқасын ашты. Олардың пікірінше, бұрын медициналық сарапшы болып жұмыс істеген Кемелованың күйеуі Қуандық Бишімбаевтың әйелін өлтіру бойынша сараптаманы қолдан жасауға көмектесуден бас тартқан. Бұл айыптау — Бишімбаевтардың кек алуы болуы мүмкін екен.
Қуандық Бишімбаевтың отбасы экс-министрді есі дұрыс емес деп тануға тырысты ма деген сұраққа анасы жауап берді.
«Мен ақылды және білімді ұлымды ақыл-есі кем деп санамаймын», — деді ол.
Нұрлыбекова келіні Салтанат Нүкенованың өлімін еске алып, көзіне жас алды.
Айта кетейік, Бишімбаевтың анасы Анна Чернованың да үстінен шағым түсірген еді.
Жаңалықтар
- Бишімбаевтың әкесінің қатерлі ісікке шалдыққаны белгілі болды
- Ақмола облысының әкімі Марат Ахметжанов әжетханаларды жеке өзі тексеретінін айтты
- Өлтіріп, мәйітін Жайыққа тастаған бойжеткеннің ісі бойынша прокурорлар айыптыларды өмір бойына соттауды сұрады
- Александр Машкевичтің Лондонда зираты табылды
- Бишімбаевтың анасы сотта келінінің өлімін есіне алып, көзіне жас алды
- Ақтөбеде 8,9 млн шығын келтірген алаяқ әйел сот залынан босатылды
- «Педофил — Алланың барына дәлел»: Имам дау болған сөзін түсіндірді
- Қазақстан Екатерина Биволды ұстау үшін Ресеймен байланыс орнатты
- Шавкат Рахмоновтың әйелі қатысқан жол апаты: Тергеу аяқталуға жақын
- 12 адамның өмірін қиған жол апаты: Жансақтау бөліміндегі 16 жастағы жасөспірімнің жағдайы белгілі болды
- Жоқшылық: Ақтаудағы «Қазақтелеком» қызметкерлері Бағдат Мусинге шағымдарын айтты
- Ресей — Қазақстанның Құдай қосқан көршісі — Тоқаев
- Ақтөбеде тоңып отырған ауыл тұрғындары президент пен әкімге үндеу жасады
- Байқоңыр ғарыш айлағына «Союз-5» зымыраны жеткізілді
- Бас прокуратура Тоқаевқа Досаеваны жауапқа тартуға ұсыныс жолдады
- «Бір адам қаза тапты»: Түркістан облысында мемлекеттік қызметкерлер тұратын үйде жарылыс болды
- Мақпал Жүнісова Заманбек Нұрқаділовтің соңғы өлеңдерін жариялады
- ERG сатыла ма? Миллиардер Ибрагимов активтер үшін талас-тартыс барын меңзеді
- Өзбекстан президенті қызына тағы бір жылы орын тауып берді
- Қырғызстанда қыз сүйісіп тұрған жігітінің тілі мен ернін тістеп жұлып алды
