Бишімбаевтың әкесінің қатерлі ісікке шалдыққаны белгілі болды

Бұл туралы экс-министрдің анасы Астанада өтіп жатқан сот отырысында мәлімдеді, деп хабарлайды Orda.kz.

Өз сөзінде ол оқиғаның 2023 жылдың 9 қарашасында болғанын айтты.

«2023 жылдың 9 қарашасында мен жолдасыммен үйде болдым. Сол күн біздің өміріміздегі ең ауыр күн болды. Жолдасымның жағдайы күрт нашарлап, бірнеше рет жедел жәрдем шақырдық. Алайда олар көмектен бас тартты. Жолдасым онкологиялық аурумен ауырады, жүрегі де сыр берді. Бұл жағдайдың неден болғанын бүгінге дейін түсіне алмай келеміз», – деп мәлімдеді Бишімбаевтың анасы Альмира Нұрлыбекова.

Айта кетейік, Астанада алаяқтық ісі бойынша сот процесі өтіп жатыр. Істе бұрынғы министр Қуандық Бишімбаевтың туыстарының есімдері аталды. Прокурордың мәліметінше, сотталушы Бекзат Кемелова (Альмира Нұрлыбекованың абысыны) Бишімбаевтың анасында 990 мың доллар бар екенін біліп, ұлына қатысты тергеу жүріп жатқанын, оның күйзеліске түскен сәтін пайдаланып, иемденіп кеткен.