Білім грантына 104 мыңнан астам талапкер өтініш білдірді

Білім гранттарын тағайындау конкурсына қатысуға 104 мыңнан астам талапкер өтініш білдірді. Өткен 2023 жылы 94 мың өтініш қабылданған.

Бұл туралы, ҚР Ғылым және жоғары білім министірлігі хабарлайды.

Биыл бакалавриатқа 79 мыңға жуық грант бөлінген. Ең көп гранттар инженерлік-техникалық салаларға қарастырылған. Сонымен қатар, осы жылы оқу ақысын ішінара төлейтін сараланған гранттар алғаш рет енгізілді. «Педагогика ғылымдары» және «Әлеуметтік ғылымдар, журналистика және ақпарат» мемлекеттік білім беру бағдарламасына 150 сараланған грант бөлінді. Сондай-ақ «Серпін» бағдарламасы бойынша талапкерлерге 3903 грант бөлінді. Гранттар тізімінде халқы тығыз орналасқан, жаңадан құрылған және батыс өңірлердің жастары үшін жетекші жоғары оқу орындарында оқуға арналған 5000 мақсатты білім беру гранттары бар.

Талапкерлер өтініш білдірген ең танымал қала – Алматы, 42 мың бала талап білдірген. Астана оқу орындарына оқуға 22 мың өтініш қабылданса, Шымкенттегі жоғары оқу орындарына 6,5 мың адам құжат тапсырған.