Бибісара Асаубаева Грузияда өткен әйелдер арасындағы Гран-приде күміс медаль алды

Қазақ шахматшысы Тбилисиде өтіп жатқан Халықаралық шахмат федерациясы әйелдер Гран-приінде екінші болды, деп хабарлайды Sports.kz.

Турнир барысында Бибісара Асаубаева әлем чемпионын жеңіп, Гран-приде көш бастады. Бірақ біздің спортшымыз ойынды 5,5 ұпаймен аяқтады - ол екі жеңіске жетіп, жеті рет тең түсті.

Бірінші орынды Польша өкілі Алина Кашлинская иеленді - оның алты ұпайы бар. Грекиялық шахматшы Ставрула Цолакиду бес ұпаймен үшінші орын алды.

Естеріңізге сала кетейік, Бибісара Асаубаева блиц бойынша екі дүркін әлем чемпионы.  Ол 2021 және 2022 жылдары әлем чемпионы атанды. Сондай-ақ 2021 жылы қазақ қызы жарыстың осы түрінен шахмат тарихындағы ең жас чемпион.