Бектенов Тоқаевқа су тасқыны зардаптарын жою туралы баяндады

Сонымен қатар табиғи апаттан зардап шеккен азаматтарға көмек көрсету жұмыстары туралы айтылды, деп хабарлайды Orda.kz Ақордаға сілтеме жасап.

Президент зардап шеккендерді сапалы баспанамен қамтамасыз ету жұмыстарын күшейту, қалалар мен елді мекендерде азаматтық инфрақұрылымды жөндеу және салу жұмыстарын бастауды тапсырды.

Тоқаевтың айтуынша, жергілікті атқарушы орган басшылары азаматтармен белсенді және тиімді жұмыс істеуге, туындаған мәселелер мен негізделген талаптарды шешу бойынша мемлекеттік саясат пен қабылданып жатқан шараларды нақты түсіндіруге міндетті.