Бейәдеп сөздері үшін 10 күнге қамақ

Sunprojectkz Stand up Astana продюсерлік орталығының негізін қалаушылардың бірі Александр Меркуль 10 тәулікке әкімшілік қамаққа жіберілді.

Оған себеп шамамен бір жыл бұрын Меркуль әлеуметтік желіде өзінің бейәдеп сөйлеген бейнежазбасын жариялаған. Боғауыз, әрі әдепсіз сөздер арқылы өзгелерге құрметсіздік танытқан.

Сот қаулысымен құқық бұзушы Александр Меркуль ӘҚБтК-нің 434-бабының 1-бөлігінде көзделген әкімшілік құқық бұзушылықты жасағаны үшін кінәлі деп танылып, 10 тәулік мерзімге әкімшілік қамаққа алу тағайындалды. 

Сотта Меркуль өзінің құқық бұзғанын мойындап, айыппұл өндіру туралы өтініш білдірді. 

Айта кетейік, қаулы заңды күшіне енген жоқ.