Батыр Мұса «Ерлігі үшін» медалімен наградталды

Әуежайда қызметкерді құтқарып қалған Мұса Әбдірайым «Ерлігі үшін» медалімен наградталды, деп хабарлайды Orda.kz.

Ашуға мінген ер адам тексеру қызметкерінің шашынан ұстап, пышақпен қорқытқан. Куәгерлер абдырап қалған сәтте, 52 жастағы Мұса Әбдірайым жағдайды өз қолына алды. Ол кик-бокспен айналысып және жекпе-жектің басқа түрлерін меңгерген екен.

Мұса Әбдрайымның наградталғаны жайлы Ақорда хабарлады:

«Мемлекет басшысының Жарлығымен қиын-қыстау жағдайда көрсеткен ерлігі мен жанқиярлығы үшін Мұса Сайранбайұлы Әбдірайым «Ерлігі үшін» медалімен наградталды», деп жазылған хабарламада.