Бакиев жақсы тұрып жатыр, біз оны сіздерге бермейміз – Лукашенко

Беларусь президенті Александр Лукашенко бұрынғы Қырғызстан президенті Құрманбек Бакиевті елге қайтару жоспарда жоқ екенін айтты, деп хабарлайды Orda.kz.

Лукашенконың сөзінше, Бакиев Беларусь еліне үйреніп қалған.

«Баеиев жақсы өмір сүріп жатыр. Оны сіздерге жібермейміз. Оған «ешқайда кетпеңіз, тек Беларусьте тұрыңыз» дедім», – деді ол.

Сонымен бірге, Лукашенко Бакиев өз елін сағынатынын, әсіресе әкесінің қабіріне барғысы келетінін айтты.

«Қырғыз халқының өз президентіне әкесінің қабіріне баруға рұқсат бермеуі – масқара жағдай. Бұл мәселені елдің қазіргі басшылығымен шешеміз деп ойлаймын», деді Лукошенко.

Айта кетейік, Құрманбек Бакиев 2005–2010 жылдары Қырғызстан президенті болған. 2010 жылғы 7 сәуірдегі қақтығыстардан кейін билік ауысқан кезде ол елден кетуге мәжбүр болып, содан бері Беларусьте тұрып келеді.