«Байзақтағы жарылыс»: Сот мемлекеттке 24 млрд теңге қайтаруға үкім шығарды

Шымкенттің ауданаралық соты Қорғаныс министрлігінің төрт жауапкерінен мемлекетке 24 миллиард теңге шығын өндіру туралы талап арызын қарады, деп хабарлайды Orda.kz.

2021 жылдың 26 ​​тамызында Жамбыл облысы Байзақ ауданындағы әскери бөлімнің оқ-дәрі қоймасында өрт шығып, салдарынан жарылыстар болды. Жарылыстан 18 адам қаза тапты. Кінәлілерге биыл көктемде үкім шықты – төрт әскери қызметкер нақты жазаларын алды.

«Сот 28349 әскери бөлімінің техникалық аумағында №14 инженерлік оқ-дәрілер қоймасында жарылыс жауапкерлердің әрекеті нәтижесінде орын алғанын ескере отырып, олардан материалдық шығынды бірлесіп өндіру қажет деп санады. 23 764 530 881 теңге өндірілді»,  делінген сот хабарламасында.

1,3 млрд теңгенің материалдық шығыны талап дәлелдемелерінің жоқтығынан бас тартылды. Шешім әлі заңды күшіне енген жоқ.