Әзірбайжанда жер сілкінісі тіркелді

Әзірбайжанның Имишли қаласында магнитудасы 3,4 бал болатын жер сілкінісі тіркелді, деп хабарлайды Orda.kz.

Media.az мәліметінше, бұл туралы Әзірбайжанның Республикалық сейсмологиялық қызмет орталығы хабарлады.

Жерасты дүмпулері жергілікті уақытпен 14:42-де Саатлы сейсмостанциясынан 11 шақырым солтүстікте тіркелген. Зілзаланың ошағы 53 шақырым тереңдікте болған. Алайда тұрғындар оны сезінбеді.

Айта кетейік, бүгін таңнан бері сілкіністер жайлы ақпараттар әлемнің түпкір-түпкірінен тарап жатыр. Жамбыл облысында да қатарынан екі рет қайталған жер сілкінісі болды. Алғашқысы 5 бал, ал кейінгісі 4,9 бал болып тіркелді. Ал  Мьянмада 7,7 балдық жер сілкінісі болды. Жер асты дүмпулері Бангладеш, Үндістан, Таиланд, Лаос және Қытайда да сезілген.