Ажар Ғиният жаңа қызметке тағайындалды

Ол Ұлттық балаларды оңалту орталығын басқаратын болды,  бұл туралы  медициналық мекеменің баспасөз қызметі мәлімдеді, деп хабарлайды Orda.kz.

Ғиният 2022 жылдың қаңтарынан бастап үкімет 2024 жылдың ақпанында отставкаға кеткенге дейін Денсаулық сақтау министрі қызметін атқарды.

Сонымен ендігі жерде Ажар Ғиният «Ұлттық балаларды оңалту орталығы» КЕАҚ басқаратын болды. 

ҚР Денсаулық сақтау министрі Ақмарал Алназарова «Ұлттық балаларды оңалту орталығы» КЕАҚ ұжымына Ажар Ғиниятты жаңа басшы ретінде таныстырды.

Ажар Ғиният Ақтөбе мемлекеттік медицина институтын «Педиатрия» мамандығы бойынша, Ш.Есенов атындағы Ақтау мемлекеттік университетін «Мемлекеттік және жергілікті басқару менеджері» мамандығы бойынша және Алматы Менеджмент университеті «МВА іскерлік әкімшілендіру магистрі» мамандығы бойынша тәмамдаған.

Ол бұған дейігі ҚР Денсаулық сақтауды дамыту саласындағы еңбегі үшін «Денсаулық сақтауды дамытуға қосқан үлесі үшін», «Денсаулық сақтау үздігі» төсбелгілерімен, «Құрмет» орденімен марапатталған.