«Азаматтарға арналған үкіметтегі» жемқорлық: күдікті сотталды

«Азаматтарға арналған үкімет» КЕАҚ филиалының Өскемен қаласындағы мамандандырылған бөлімінің бұрынғы басшысына қатысты қылмыстық іс аяқталды, деп хабарлайды Orda.kz. 

 Мәліметтерге сүйенсек, басшы өз лауазымын асыра пайдаланған. Ол 2023 жылдың ақпан мен қазан айлары аралығында жүргізуші куәлігін алу үшін жол қозғалысы ережелерін білуге теориялық емтихан тапсырған азаматтардан заңсыз сыйақы алып отырған.

Оның 32 млн теңгеден астам заңсыз сыйақы алғаны белгілі болды. Ер адам күдікті ой тумау үшін, ол ақшаға пәтер алып, үйді анасының атына рәсімдеген. Кейіннен бұл пәтер тәуліктік жалға беру үшін пайдаланылып, 1,2 млн теңгеден астам қосымша қылмыстық табыс әкелгені анықталды.

Сот үкімімен күдікті кінәлі деп танылды. Оған 3 жыл мерзімге бас бостандығын шектеу түріндегі жаза тағайындалды.