Қазақстанның алты облысында дауылды ескерту жарияланды

2 сәуірге синоптиктер Қазақстанның алты облысында дауылды ескерту жариялады, деп хабарлайды Orda.kz

Дауыл келесі аймақтарда болжанды:

Жамбыл облысының кей жерлерінде тұман түсіп, түнде көктайғақ болады. Солтүстік-шығыстан оңтүстік-батысқа ауысатын жел 15-20 м/с жетеді.

Солтүстік Қазақстан облысында түнде боран соғып, тұман түседі.

Оңтүстік-батыстан 15-20 м / с жылдамдықпен жел соғады, екпіні 23-28 м / с жетеді.

Қызылорда облысында тұман түседі. Оңтүстік-шығыстан күндіз жел 15-20 м/с күшейеді.

Қостанай облысында тұман түсіп, көктайғақ болады.

Оңтүстік-батыстан кей жерлерде 15-20 м/с жылдамдықпен жел соғады, екпіні 25 м/с жетеді.

Атырау облысында жел 15-20 м/с күшейеді.

Маңғыстау облысында күндіз шаңды дауыл күтіледі. Жел оңтүстік-батыстан кей жерлерде 17-22 м/с.