Қазақстан инфляциямен қалай күреседі? – Ерболат Досаев
Үкімет отырысында ҚР Ұлттық банкінің төрағасы Ерболат Досаев азық-түлік бағасы өсуінің инфляцияға әсері туралы айтты.
Бұл туралы Orda.kz хабарлады.
- 2021 жылдың 8 айының қорытындысы бойынша инфляцияның жеделдеуіне негізгі үлес 11,4% деңгейіне жеткен азық-түлік тауарларының бағасының өсуі болды. Жыл соңына дейін оны 8%-ға дейін төмендету үшін Үкімет пен әкімдер уақытша реттеудің тиімді шаралар қабылдайды, - деді Досаев.
Ол үкіметтің азық-түлік инфляциясын 2022 жылы 6%-ға және 2023-2024 жылдары 5%-ға дейін төмендететін жоспар әзірлегенін қосты.
Еске салсақ, бүгін үкіметтің кезекті отырысында азық-түлік пен азық-түліктік емес тауарларға бағаның өсу тенденциясы талданды.
Ерболат Досаев мемлекеттік органдардың бірлескен жұмысының негізгі бағыттары шикізаттық емес бюджет тапшылығын одан әрі төмендету, тауарлар мен қызметтердің шикізаттық емес экспортының көлемін ұлғайту, сондай-ақ азық-түлік тұтынуда импорттың үлесін азайту болып табылатынын баса айтты.
– Ақша-несие саясатының 2030 жылға дейінгі стратегиясына сәйкес артық өтімділікті төмендету бойынша өз өкілеттіктері шеңберінде Ұлттық банк 2025 жылға дейін экономиканы қолдау бойынша мемлекеттік бағдарламалардан кезең-кезеңмен толықтай шығуға ниетті, - деді ол.
Сонымен қатар, Ұлттық банк баға тұрақтылығын қамтамасыз ету үшін инфляцияға қарсы ақша-несие саясатын жүргізуді жалғастырады. Үкімет инфляцияның монетарлық емес факторларын төмендету бойынша ұсынған шараларды тиімді жүзеге асырған жағдайда, Ұлттық банк баға тұрақтылығына қол жеткізуді ескере отырып, ақша-несие шарттарын жеңілдету туралы шешім қабылдауға дайын екендігін растайды.
Инфляция - бұл бағаның өсуінен, тауарлар тапшылығынан және тауарлар мен қызметтер сапасының төмендеуінен туындайтын ақшаның құнсыздануы.
Жаңалықтар
- Грузия парламентінде шетелдік агенттер туралы заңға қатысты төбелес болды
- Оңтүстік Корея Қазақстанның ұшқышсыз ұшақтар шығаратын орталыққа айналуына көмектеседі
- Шымкент мешіттерінің біріндегі намаз төбелеске ұласты
- Жыл басынан бері Қазақстанға төрт миллионнан астам шетелдік келген
- Қазақстан шетелдіктер үшін жаңа виза енгізбекші
- Бишімбаев үкімге шағымданады
- Жоғарғы сот депутат Дәулет Тұрлыхановтың ұлын жазалады
- Шымкентте 11-сынып оқушысы өз-өзіне қол жұмсады
- Алматыда автобус жүргізушісіне пышақпен шабуыл жасалды
- Қарағанды облысында шенеуніктер балалар жатақханасын иемденіп алған
- Жоғарғы сот депутат Тұрлыхановтың ұлының үкімін қайта қарайды
- Санкт-Петерборда суға батып кеткен автобустан адамдарды құтқаруға атсалысқан қазақстандық азамат марапатталды
- Қостанайда кәріз құдықтарының қақпақтарын ұрлағандар ұсталды
- Қызыл кітапқа енген қарақұйрықты атқан браконьер сотталды
- «Атамекен» Кәсіпкерлер палатасының бұрынғы басшысы Абылай Мырзахметов алаяқтық жасағаны үшін бес жылға сотталды
- Өскеменде айғақтарды бұрмалаған полицей сотталды
- Бішкек шенеуніктері автобуспен жүретін болады
- Атырау облысы, Талдыкөл ауылында халықты эвакуациялау басталды
- Кеңсе пышағымен адам бауыздамақшы болды: сот үкім шығарды
- Павлодар облысында педофил ұзақ мерзімге бас бостандығынан айырылды