Аукционға шығарылған Кәрім Мәсімовтің зәулім үйі неліктен өтпей қалды?

Астанада аукционға шығарылған Кәрім Мәсімовтің зәулім үйі 1,8 млрд теңгеге өтпей қалды, деп хабарлайды Orda.kz.

Үйдің бастапқы бағасы: 1 883 338 958 теңге болды. Кепілдік жарнасы: 117 960 000 теңге болған. Алайда аукцион өткен сәтте бірде-бір адам үйді алуға ниет білдіріп, өтініш қалдырмаған.

Астана қаласы Нұра ауданы Қараөткел шағын ауданы Ерейментау көшесі, 1-құрылыс мекенжайында орналасқан, жертөлесі бар зәулім үй осыдан 15 күн бұрын аукционда сатылымға қойылған.

• Сауда нөмірі: 338261
• Нысан: Жертөлесі бар тұрғын үй
• Бастапқы бағасы: 1 883 338 958,00 теңге
• Кепілдік жарна: 117 960 000,00 теңге
• Формат: Бағаны көтеру аукционы

Сауда басталатын күн мен уақыт: 2025 жылғы 25 ақпан, сағат 10:00

Саудаға қалай қатысу үшін Е-Qazyna платформасында тіркеліп, сауда басталғанға дейін кепілдік жарнаны енгізіп, аукционға қатысып, ставка қойылуы керектігі жазылды.