Атыраулық әже TikTok-тан 10 миллион тапты

Атыраулық 70 жастағы әже TikTok арқылы 10 миллион теңге тапты, деп хабарлайды Orda.kz.

Атыраулық Хадиша Айтмұхамбетқызы өткен жылы TikTok-та аккаунт ашты. Әлеуметтік желіде «Батыстың әжесі» деген атпен танылды.

Тікелей эфирде Хадиша әже басқа адамдармен сөйлесіп, құрдастарымен көңілді уақыт өткізеді. Сондай-ақ, жастарға ақыл-кеңестерімен де бөлісіп отырады.

«Оқи алмадым. ҚазҰУ-ге бардым, түсе алмадым. Өмірім көше тазалаумен, еден жуумен өтті. TikTok-қа кіргеніме төртінші қараша күні бір жыл толады. Ермек үшін кірдім, енді көріп отырсыздар — TikTok-ты шайқап жатырмын», — деп айтты Хадиша әже.

Өз жазылушыларының қолдауы мен донаттары арқасында  кейуана он миллион теңге табыс тапты.