Атырауда өрт салдарынан екі бала қаза тапты

Атырау облысында өрттен бір отбасы зардап шекті, екі ересек адам ауруханада жатыр, екі бала қайтыс болды.

Бұл туралы Orda.kz тілшісі хабарлайды.

Атырау облысы Индер ауданы Индербор ауылында өрт болды. Бүгін, 25 сәуірде таңғы сағат 5:40 шамасында екі қабатты үйдегі пәтер жанып кетті. 30 жастағы ересектер пәтер терезесінен секіріп кеткен, ал балалар үйде қалған.

Өрттен кейін пәтердің кіреберісінен 10 жасар ұл мен 7 жасар қыздың мәйіттері табылды.

Сотқа дейінгі тергеу басталды.