Атырауда оқушы балтамен сыныптасын мектеп дәлізінде қуалаған бейнежазба тарады

Атырау облысы Құлсары қаласында 10-сынып оқушысы мектепке балтамен келіп, үзіліс кезінде басқа бір оқушыны қудалаған, деп хабарлайды Orda.kz тілшісі.

Оқиғаның видеосы әлеуметтік желілерде тарады. Кадрлардан бір оқушы мектеп дәлізімен қашып, жасырынуға тырысқанын, ал екінші жасөспірім қолында балта ұстап, оны іздеп жүргенін көруге болады. Сонымен қатар видеода оның басқа оқушыларға шабуылдағаны байқалмайды.

Қазіргі таңда оқиғаның мән-жайы мен жанжалдың себептері ресми түрде түсіндірілген жоқ.

Редакция Атырау облыстық полиция департаментіне және өңірлік білім басқармасына жағдайға қатысты түсініктеме беру, қабылданған шаралар мен оқу орнындағы қауіпсіздік деңгейі туралы ақпарат ұсыну жөнінде сұрау жолдады.

Полиция депортаментінің мәліметінше оқиға салдарынан екі оқушы жеңіл дене жарақатын алған.

«Оқиғаға қатысушылардың барлығы, сондай-ақ олардың ата-аналары полицияға жеткізілді. Бұзақылық дерегі бойынша қылмыстық іс қозғалды. 15 жастағы күдікті уақытша ұстау изоляторына қамалып, ішкі істер органдарының есебіне қойылды. Материалдар процессуалдық шешім қабылдау үшін Кәмелетке толмағандар істері жөніндегі комиссияға жолданды. Ата-аналарға кәмелетке толмаған баланы тәрбиелеу жөніндегі міндеттерін тиісінше орындамағаны үшін әкімшілік іс қозғалды», - деп хабарлады полиция департаменті.

Оқи отырыңыз:

• Ақтөбеде өгей атасынан жүкті болған қыздың ісі бойынша сот шешімі шықты
• Алматы облысында 13 жастағы қызға жасалған азғындық: Істің жай-жапсары
• Кентауда екі өгей қызын жылдар бойы зорлады деген күдікке ілінген ер адам ұсталды