Атырау облысында жер сілкінісі тіркелді

Атырау облысында жер сілкінісі болды, деп хабарлайды Orda.kz.

Қазақ ұлттық деректер орталығының мәліметінше, зілзала 10 сәуір күні Астана уақытымен сағат 01:40-та тіркелген.

Атырау облыстық төтенше жағдайлар департаменті жер сілкінісі туралы ақпарат оларға түспегенін хабарлады. Жерасты дүмпуінің эпицентрі Құлсары қаласынан оңтүстік-шығысқа қарай 120 шақырым жерде болған. Магнитудасы – 4,3.

Еске салайық, 28 наурызда Жамбыл облысында да жер сілкінісі тіркеліп, бірнеше ғимаратқа зақым келген еді. Үкіметтік жұмыс тобы өңірді аралап, келген шығынды бағалаған болатын.