Астаналықтар қоғамдық көлікке көшуге шақырылды

Астанада жалпы ұзындығы 60 шақырымға жуық қоғамдық көліктер үшін қосымша жолақтар пайда болады, деп хабарлайды Orda.kz порталы.

Тәуелсіздік, Ұлы Дала, Рақымжан Қошқарбаев даңғылдарына, Керей Жәнібек Хандар мен Шыңғыс Айтматов көшелеріне автобус желілерін енгізу жоспарланды.

«Бұл қоғамдық көліктің жүру уақытын алты минутқа қысқартады және жылдамдықты 16 шқ/сағ-тан 19 шқ/сағ-қа дейін арттырады» деп атап өтті Астананың көлік жүйесіне жауапты «City Transportation Systems» ЖШС. 

Қазір қаланың 27 учаскесінде автобус желілерінің жалпы ұзындығы 100,5 шақырым.