Астанада жыл басынан бері жол ережесін 61 рет бұзған BMW жүргізушісі ұсталды

Күйші Дина көшесінде заңды өрескел бұзған 27 жастағы жүргізуші тоқтатылды, деп хабарлайды Orda.kz.

Жүргізуші жыл басынан бері 61 рет әкімшілік жауапкершілікке тартылған, оның 59-ы – жылдамдықты асырғаны үшін.

«Жүргізуші әл-Фараби көшесінде жаяу жүргіншілер өткелінен 133 шқ/сағ жылдамдықпен, қызыл жарыққа өтіп кеткен. Бұған дейін 90 шқ/сағ орнына 216 шқ/сағ жылдамдықпен жүргені де тіркелген», деп мәлімдеді полиция.

Сот шешімімен ол ұсақ бұзақылық үшін 15 тәулікке қамауға алынды.

«Полиция заң талаптарын жүйелі түрде елемейтін тұлғаларға қатысты қатаң әрі талапты шара қолданылатынын атап өтеді. Айыппұлды төлеу фактісі жауапкершіліктен босатпайды және заң алдында барша азамат тең», деп хабарлады Polisia.kz.

Астана қаласы полиция департаменті тұрғындарды жол қозғалысы ережелерін қатаң сақтауға шақырады. 

Оқи отырыңыз:

• Алматының әл-Фараби даңғылындағы адам өлімі: Zeekr жүргізушісі тергеу изоляторына қамалды
• Әл-Фараби даңғылында болған жол апатына кінәлі 10 жылға сотталуы мүмкін
• Алматыдағы бес көлік жарысып, үш адам қаза болған шулы оқиғаға қатысты қылмыстық іс қозғалды