Астанада үйдің қасбеті құлап, зардап шеккен фельдшер өмірден озды

8 қараша күні Астанадағы Тәуелсіздік даңғылындағы тұрғын үйдің қасбетінен сыртқы кірпіш қаптамасы мен кондиционерлік қондырғы құлаған кезде жарақат алған жедел жәрдем фельдшері қайтыс болды, деп хабарлайды Orda.kz.

Құлаған кірпіш қаптамасының астында қалған фельдшер аса ауыр жағдайда ауруханаға жеткізілген, дәрігерлер оның өмірі үшін 8 қарашадан бері күрескен. Медициналық мекеме өкілдері марқұмды өз ісіне адал, батыл әрі адам өмірін құтқаруды бірінші орынға қойған маман ретінде сипаттаған.

«Ол соңғы сәтіне дейін қызметте болып, көмекке мұқтаж адамдардың жанынан табылды»,  деп хабарлады медициналық мекеме.

Еске сала кетейік, денсаулық сақтау вице-министрі Тимур Мұратов Астанадағы тұрғын үйдің қасбеті құлаған кезде жарақат алған фельдшердің әрекетін жоғары бағалады.