Астанада мектептердің бірінші ауысымы қашықтан оқуға көшеді

Аязға байланысты 14 қаңтар күні Астанада мектептердің бірінші ауысымында оқитын 0-сыныптан 9-сыныпқа дейінгі оқушылар қашықтан оқу форматына ауысты. Бұл туралы Orda.kz елорда әкімдігіне сілтеме жасап хабарлады.

Екінші ауысымның қалай оқитыны жөнінде әзірге ақпарат жоқ.

«Қазгидромет» мәліметінше, 14 қаңтарға қараған түні Астанада ауа температурасы –28–30 °C дейін төмендейді. Ал күндіз синоптиктер –21–23 °C суықты, тұманды және жолдарда көктайғақ болатынын болжауда.

Бұған дейін алдағы күндері Қазақстан аумағына суық антициклон келіп, кей өңірлерде ауа температурасы –38 °C-қа дейін  төмендейтіні туралы жазған едік.

Еске салсақ, 2026 жылғы 10 қаңтарда, қаңтар айындағы Ұлттық бірыңғай тестілеу (ҰБТ) басталды.

Оқи отырыңыз:

• Балқашта сегіз жастағы баланы азаптау ісі бойынша сот басталды
• «Жуас қыз болғасын барынша басынған»: Шымкентте танысы өлтірген қыздың ағасы жазба жариялады
• Хасан Қасымбаевтың ісі апелляцияға жетті