Астанада Қадір түнінде мешіттегі «садақа» үшін талас болды

Қадір түнінде Астанадағы «Әзірет Сұлтан» мешітінің маңында жамағат мейрамхана таратқан тегін тамаққа таласты, деп хабарлайды Orda.kz.

Желіде тараған видеода жастардың тамақ үшін жапа-тармағай таласып жатқаны көрінеді. Оқиға әлеуметтік желі қолданушыларының сынына ұшырады, алайда кейбірі мұны ақтап алуға тырысқан.

«Мүмкін, бұл студенттер шығар. Өзім де аш қалған кездерімді еске алдым» деп пікір білдірді бір қолданушы.